08:28 / 16.12.2019
0
6039

Uzbekistan Airways ob-havo sharoiti yomonlashgani sababli qator qatnovlar ushlanib qolishi haqida ma'lum qildi

Foto: Uzbekistan Airways

Uzbekistan Airways ob-havo sharoitlari yomonlashgani sababli (tuman), bir nechta qatnovlar ushlanib qolishi haqida ma'lum qildi.

Qayd etilishicha, Namangan aeroporti yopildi (ko‘rinish masofasi 50 metr). HY-095 (Toshkent-Namangan) qatnovi soat 9:30 ga ko‘chirildi.

HY-042 (Samarqand-Toshkent) qatnovi Toshkent aeroportida ko‘rinish yetarli darajada bo‘lmaganligi sababli soat 09:30 ga ko‘chirildi. Shu munosabat bilan HY-065 (Toshkent-Termiz) qatnovi soat 10:30 ga ko‘chirildi.

HY-3620 (Jidda-Toshkent) qatnovi havo kemasining sardori Toshkent aeroportida soat 07:17 da ko‘rinish yetarli darajada bo‘lmaganligi sababli, samolyotni Buxoro aeroportiga qo‘ndirishga qaror qildi. Hozirda samolyot Toshkentga uchishga tayyorlanmoqda.

Ushbu xabarga fikringizni bildiring. Buning uchun avtorizatsiyadan oʻtishingiz kerak!
Top