O‘zbekiston Respublikasi Vazirlar Mahkamasining qarori bilan Samarqand shahridagi “Rossiya davlat jismoniy tarbiya, sport, yoshlar va turizm universiteti” federal davlat budjeti oliy ta'lim muassasasining filiali direktori o‘rinbosari - ijrochi direktor vazifasini bajaruvchi tayinlandi.
Hukumat hujjatiga ko‘ra, Azamat Erkinovich Qurahmedov Samarqand shahridagi “Rossiya davlat jismoniy tarbiya, sport, yoshlar va turizm universiteti” federal davlat budjeti oliy ta'lim muassasasining filiali direktori o‘rinbosari - ijrochi direktor vazifasini bajaruvchi sifatida ish boshlaydi.
O‘zbekiston Respublikasi bosh vaziri Abdulla Aripov 2019 yil 16 dekabr kuni bu haqdagi qarorni imzoladi.
Ma'lumot uchun: Azamat Qurahmedov o‘z vaqtida Samarqand viloyati hokimligi tashkiliy-nazorat guruhi rahbari sifatida ishlagan.
