14:01 / 18.12.2019
0
4962
Божхоначилар Бойсунда «дори» операциясига чек қўйишди
Фото: Давлат божхона қўмитаси ахборот хизмати

Божхоначилар йирик партиядаги маҳсулотларнинг навбатдаги ноқонуний айланмасини фош этишди.

Сурхондарё вилояти божхона бошқармаси Контрабанда ва божхона қонунчилиги бузилишига қарши курашиш бўлими ходимлари томонидан Бойсун туманида тезкор тадбир ўтказилди. Бу ҳақда Давлат божхона қўмитаси ахборот хизмати хабар бермоқда

Тадбир давомида, фуқаро Я.Ф. бошқарувидаги “Исузу” юк автомашинаси тўхтатилиб, белгиланган тартибда текширилди.

Натижада, юк автотранспорт воситасида божхона расмийлаштирувидан ўтганлигини тасдиқловчи ҳеч қандай ҳужжатлари бўлмаган ва акциз маркалари билан маркаланмаган умумий қиймати 101,3 миллион сўмлик тамаки маҳсулотлари ва умумий қиймати 435,2 миллион сўмлик, хорижда ишлаб чиқарилган ва сифати кафолатланмаган дори воситалари борлиги аниқланди.

Ҳозирда мазкур ҳолат юзасидан божхона органлари томонидан суриштирув ҳаракатлари давом эттирилмоқда.

Ушбу хабарга фикрингизни билдиринг. Бунинг учун авторизациядан ўтишингиз керак!
Top