Sergelidagi yangi uylarning kaliti 28 dekabrdan boshlab o‘z egalariga topshiriladi. Fuqarolardan qator hujjatlar talab etiladi

2019 yil davlat dasturi asosida poytaxtimizning Sergeli tumani 8 va 9 qurilish uchastkasida qurilgan ko‘p qavatli uylarga biriktirilgan fuqarolar diqqatiga:

Hurmatli fuqarolar, joriy yilning 28 dekabr kunidan boshlab 2019 yil davlat dasturi asosida ushbu hududlarda barpo etilgan ko‘p qavatli turarjoylarning kalitlari belgilangan tartib bo‘yicha o‘z egalariga bosqichma-bosqich topshirilishi rejalashtirilmoqda.  

Tuman hokimliklari tomonidan biriktirilgan xonadonni o‘z nomiga notarial rasmiylashtirgan va «O‘zshahar qurilish invest» injiniring kompaniyasi qurilish shtabiga «Notarial oldi-sotdi shartnomasi» hamda «Kadastr guvohnomasi» nusxalarini taqdim etgan fuqarolarga ushbu sanadan boshlab xonadonlar foydalanishga topshiriladi deb xabar beradi «O‘zshahar qurilish invest» IK matbuot xizmati.