O‘zbekistonning tog‘li hududlarida 2 yanvargacha qor ko‘chishi xavfi bor

2019 yil 29 dekabrdan 2020 yil 2 yanvargacha respublikaning tog‘li hududlarida qor ko‘chishi xavfi mavjud. Bu haqda «O‘zgidromet» xabar berdi.

Qayd etilishicha, 2019 yil 29-30 dekabrda A-373 «Toshkent-O‘sh» avtomobil yo‘lining Qamchiq dovoni hududida qor, vaqti-vaqti bilan kuchli qor yog‘ishi kutilmoqda. 

Tuman tushib, ko‘rinuvchanlik 50-100 metrgacha pasayadi, shamol tezligi sekundiga 15-20 metrgacha kuchayishi, yo‘lda qor uyumlari, yaxvonlik hosil bo‘lishi kutilmoqda.