Avstraliyadagi yong‘inlar: qurbonlar soni 24 nafargacha oshdi, 500 mln jonzot nobud bo‘ldi 

Avstraliyadagi o‘rmon yong‘inlari qurbonlari soni sentyabrdan boshlab hisoblaganda 24 nafargacha yetdi, 17 kishi bedarak yo‘qolgan. Bu haqda BBC telekanali xabar berdi.   

Ekologlarning ta'kidlashicha, yong‘inlar sababli shuningdek yarim milliard jonzot nobud bo‘lgan.

Butun mamlakat bo‘ylab hanuzgacha 200 taga yaqin yong‘in o‘choqlari borligi qayd qilingan. 1200 dan ko‘proq uy vayron bo‘lgan, 4 million gektardan ko‘proq o‘rmon yonib ketgan.