03:33 / 22.01.2020
0
9339
Лондон дербисида жанговар дуранг қайд этилди
Фото: Getty Images

Англия Премьер-лигасининг 24-турида «Челси» ўз майдонида «Арсенал»ни қабул қилди.

Ўйинда жанговар дуранг қайд этилди. «Тўпчилар» 26-дақиқадаёқ майдонда бир киши кам қолишди. «Челси»нинг собиқ ҳимоячиси Давид Луис жарима майдони ичида қўполлик қилгач майдондан четлатилди ва Жоржиньо белгиланган пенальтидан унумли фойдаланиб, ҳисобни очди. Иккинчи бўлимнинг дастлабки қисмида Мартинелли деярли бутун майдонни тўп билан бир ўзи кесиб ўтиб, Кепа Аррисабалагани доғда қолдириб, ҳисобни тенглаштирди. Ўйиннинг сўнгги қисмида Аспиликуэта жамоасини яна олдинга олиб чиқди, Артета шогирдлари бир киши кам бўлиб ўйнаганига қарамай, дурангга эриша олишди - 87-дақиқада Эктор Беллерин қийин ўйинда жамоага натижа олиб келган голни урди.

Эътиборли томони, «Челси» ўйин давомида тўлиқ устунлик қилиб, 19 зарба берди, шундан 8таси аниқ, 2таси гол бўлди. «Арсенал» эса ўйин давомида 2та зарба берди, иккиси ҳам дарвоза соҳасига аниқ борди, икки аниқ зарба ҳам голга айланди.

Бу натижадан сўнг «Челси» 40 очко билан 4-ўринда қолган, «Арсенал» 30 очко билан 11-ўринда жойлашган.

АПЛ, 24-тур

Челси – Арсенал 2:2
21 январь, «Стэмфорд Бриж»
Голлар: Жоржиньо (28, пенальти), Аспиликуэта (84) – Мартинелли (63), Беллерин (87).
Челси: Аррисабалага, Рюдигер, Кристенсен, Эмерсон, Аспиликуэта, Жоржиньо, Канте (Маунт, 69), Виллиан (Батшуайи, 79), Ковачич (Баркли, 66), Ҳадсон-Одои, Абраҳам. 
Арсенал: Лено, Беллерин, Мустафи, Давид Луис, Ўзил (Гендузи, 55), Жака, Мартинелли (Уиллок, 90+1), Торрейра, Пепе (Ҳолдинг, 81), Ляказетт, Сака.
Огоҳлантиришлар: Эмерсон (21), Кристенсен (59), Гендузи (76).
Четлатиш: Давид Луис (26).

Ушбу хабарга фикрингизни билдиринг. Бунинг учун авторизациядан ўтишингиз керак!
Top