Buyuk Britaniyada dunyodagi eng katta shamol parki qurilmoqda

Buyuk Britaniyani o‘rab turgan dengizlar anchadan beri qayta tiklanadigan energetika sohasidagi bir qator katta loyihalarga asos bo‘lib kelgan. Yaqinda bu yerda dunyodagi eng katta shamol parki - umumiy quvvati 3,6 GVt bo‘lgan Dogger Bank paydo bo‘ladi. Tegishli shartnoma kuzda imzolandi va endi qurilish ishlari boshlandi.

New Atlas xabar berayotgan elektr stansiya Shimoliy dengizda, Yorkshir qirg‘oqlarida joylashadi. U 1,2 GVt.dan energiya ishlab chiqaradigan uchta blokdan iborat bo‘ladi. Ularning har biri GE Renewable tomonidan ishlab chiqarilgan ulkan Haliade-X turbinalari bilan jihozlanadi. Har bir parrakning uzunligi - 107 metr.

Shamol parki Buyuk Britaniyadagi ehtiyojning 5 foiziga teng bo‘lgan 4,5 million uy xo‘jaligini elektr energiyasi bilan ta'minlaydi.

SSE Renewables va Equinor loyihaning qurilishi hamda foydalanilishi uchun javobgardir. Hozirgi vaqtda ular shamol parkini joylashtirish rejalashtirilgan hududga qarama-qarshi qirg‘oqda ish boshladilar. Stansiya qurilishi 2022 yilda yakunlanishi, birinchi elektr energiyasi esa 2023 yilda tarmoqqa yuborilishi kutilmoqda.