22:10 / 24.01.2020
0
9020
АҚШ давлат департаменти коронавирус сабабли Хитойдаги ходимларини чақиртириб олди
Фото: Getty Images

АҚШ давлат департаменти янги турдаги коронавирус сабабли Хитойдаги ходимларини чақиртириб олди ва хавфлиликнинг қизил даражасини жорий қилди. Бу ҳақда давлат департаменти матбуот хизмати маълум қилган. 

Фавқулодда хизматлар билан боғланмаган ходимлар ҳамда уларнинг оила аъзолари ортга чақиртириб олинган.

“АҚШ ҳукумати Хубэй провинциясида АҚШ фуқароларига тезкор ёрдам беришда чекланган имкониятларга эга”, деб огоҳлантирилган хабарда.

Давлат департаменти шунингдек америкаликларга Хитойга бормасликни тавсия қилган ва хавфлиликнинг тўртинчи – қизил даражасини киритган. Хитойга бориши муҳим бўлганларга эса қўлларни тез-тез, 20 сониядан кам бўлмаган вақт давомида совун билан ювиш, одамлар билан алоқадан қочиш, жонзотлардан олинадиган маҳсулотларни (гўшт, балиқ, денгиз маҳсулотлари, сут, сут маҳсулотлари, тухум ва шу каби) истеъмол қилмаслик тавсия қилинган.

Мавзу
Хитой коронавируси
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top