11:38 / 22.02.2020
1
30928
Хитойда коронавирус қурбонлари сони 2,3 минг кишидан ошди

22 февраль ҳолатига кўра, мамлакатда коронавирус қурбонлари сони 2345 кишини ташкил этди. Бир сутка ичида 2393 киши тузалди. Касалланганларнинг умумий сони 75 891 кишига етди

Фото: China Daily CDIC / Reuters

Сўнгги бир сутка ичида Хитойда 109 киши COVID-19 коронавирус инфекцияси туфайли келиб чиққан касаллик оқибатида вафот этди. Бу ҳақда Миллий соғлиқни сақлаш комиссияси хабар бермоқда. Мамлакатда вафот этганларнинг умумий сони 2345 кишини ташкил қилди.

Идора маълумотларига кўра, 397та янги касалланиш ҳолати аниқланди, яна 2393 киши касалхонадан чиқарилди. Умуман олганда, мамлакатда касалланиш бўйича 75 891та тасдиқланган ҳолат қайд этилди.

Дастлаб вирус туфайли пневмония авж олган Хубэй провинциясида 366та янги касалланиш қайд этилган, уларнинг 314таси - Уханда. Бир сутка ичида провинцияда 106 киши вафот этган.

Ҳонконг, Макао ва Тайванда жами 104та касалланиш ҳолати аниқланди.

SMPC маълумотларига кўра, дунё бўйлаб касалланганлар сони 76 806 кишига етди. Улардан 727таси Японияда, 208та - Жанубий Кореяда, 86та - Сингапурда, 35та - Таиландда, 22та - Малайзияда аниқланган.

Коронавируснинг янги тури биринчи марта Хитойда 2019 йил декабрь ойида аниқланди. ХХР расмийлари версиясига кўра, вируснинг манбаи Ухандаги бозор бўлиб, у ерда денгиз маҳсулотлари, парранда гўшти, илонлар ва бошқа ҳайвонлар сотилган. Кейинчалик олимлар ушбу вирус одамдан одамга юқиши мумкинлигини аниқлади.

15 февраль куни ХХР Миллий соғлиқни сақлаш қўмитаси ҳайвонларда коронавирусга қарши вакциналарни синовдан ўтказиш бошлагани ҳақида хабар берди. Идора раҳбарининг ўринбосари Цзэн Исин сўзларига кўра, одамларда ушбу препаратни синовдан ўтказиш апрель ойидан кейин бошланади. 

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top