19:48 / 26.02.2020
0
6548
Россия эронликларга виза беришни чекламоқда ва Жанубий Корея билан авиаалоқани тўхтатмоқда

Россияда 28 февралдан Эрон фуқароларига визалар берилиши чекланмоқда. Шунингдек, Жанубий Корея билан авиаалоқа тўхтатилади.  

Фото: EPA/Vostock-photo

Бу ҳақда Россия бош вазири ўринбосари Татьяна Голикова маълум қилди.      

28 февралдан эронликларга ишбилармонлик ва гуманитар визалардан ташқари бошқа визалар берилиши тақиқланади. 

1 мартдан эса “Аэрофлот” ва “Аврора” авиакомпанияларидан ташқари барча компаниялар Жанубий Корея билан авиаалоқани тўхтатади. 

Ушбу чоралар Эрон ва Жанубий Кореяда коронавирусдан касалланиш ҳолатлари кўпаётгани билан боғланган. Голиковани айтишича, Италияда ҳам коронавируснинг жадал тарқалиши кузатилмоқда, бироқ Италия Европа Иттифоқи таркибига киргани учун унга нисбатан чекловлар киритиш мураккаб. Шу сабабли ҳукумат россияликларга Италияга бормасликни тавсия қилган.  

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top