23:04 / 11.03.2020
0
7564
Эрдўған парламентга тана ҳароратини ўлчовчи тепловизорга эга ёрдамчи билан келди

Туркия президентига парламентга ташриф вақтида тана ҳароратини ўлчовчи тепловизорга эга ёрдамчиси ҳамроҳлик қилди. Таъкидланишича, ушбу чора коронавирус тарқалиши билан боғлиқ ҳолда қабул қилинган.

Фото: Reuters

Бу ҳақда NTV телеканали хабар берди.  

Президент ёрдамчиси Эрдўған атрофида бўлган журналистлар ва сиёсатчиларнинг ҳароратини ўлчаган.

Фото: Reuters

Аввалроқ Туркияда коронавирусга чалиниш бўйича илк ҳолат қайд қилингани маълум қилинганди. Таъкидланишича, вирус юқтирган одам эркак киши бўлиб, у Европага сафардан яқиндагина қайтган бўлган. Эрдўғаннинг ўзи эса парламентдаги нутқида инфекция тарқалиши сабабли қўл сиқишишдан қочаётганини маълум қилган.

Жумладан, Эрдўған 10 март куни Албания, Бразилия ва Молдова элчиларига ишонч ёрлиқларини топшириш вақтида қўл сиқишишни жоиз топмаган. Шунингдек, Туркия президенти Брюсселга ташрифи вақтида НАТО бош котиби Йенс Столтенберг билан қўл сиқишишдан қочиб, кўксига қўлини қўйиш билан кифояланган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Ушбу хабарга фикрингизни билдиринг. Бунинг учун авторизациядан ўтишингиз керак!
Top