22:53 / 15.03.2020
7931
Исроил бош вазири коронавирусга тест топширди 

Исроил бош вазири вазифасини бажараётган Биньямин Нетаньяху коронавирусга тест топширди. Тест натижалари ҳали номаълум.

Фото: Reuters

Бу ҳақда Исроил ҳукумати девонхонаси бошлиғи маълум қилди.

“Бош вазир девонхонаси бошлиғининг хавфсизлик ва фавқулодда вазиятлар бўйича ўринбосари кўрсатмаларига мувофиқ, ҳукумат бошлиғи Нетаньяхунинг яқин атрофидагилардан ва унинг ўзидан коронавирусга стандарт тестлар олинди”, дейилган хабарда.

Тест натижалари қачон маълум бўлишига аниқлик киритилмаган.

15 март ҳолатига кўра, Исроилда коронавирусга чалинганлар сони 200 нафарга етган. 

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top