15:02 / 07.04.2020
84410
Ўзбекистонда коронавирусдан зарарланиш ҳолатлари сони 500дан ошди

Соғлиқни сақлаш вазирлиги Ўзбекистонда яна 32 кишига коронавирус инфекциясидан зарарланиш ташхиси қўйилгани ҳақида хабар берди.

«2020 йил 7 апрель соат 15:00 ҳолатига кўра, Ўзбекистонда коронавирус инфекцияси қайд этилганлар сони 504 нафарни ташкил қилмоқда», дейилади вазирлик хабарида.

Ўзбекистонда дастлабки бемор 15 март куни аниқланган эди. Апрель ойида беморлар сони сезиларли даражада кўпая бошлади, 5-7 апрель кунлари 200дан ортиқ кишида вирус аниқланди.

Шу вақтгача беморларнинг 30 нафари соғайган, 2 киши вафот этган.

Top