O‘zbekistonda koronavirusdan zararlanish holatlari soni 2160taga yetdi

Sog‘liqni saqlash vazirligi O‘zbekistonda yana 11 kishiga koronavirus infeksiyasidan zararlanish tashxisi qo‘yilgani haqida xabar berdi.

«2020 yil 4 may soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 2160 nafarni tashkil qilmoqda», deyiladi vazirlik xabarida.

So‘nggi 13 kunda ijobiy tendensiya kuzatilmoqda - bu oraliqdan 12 kunda tuzalganlar soni yangi holatlar sonidan ko‘p bo‘lgan, faqat 30 aprel kuni ikki holat ham teng bo‘lgan.

3 may kuni 31ta yangi zararlanish holati qayd etildi va jami 48 kishi sog‘aydi.

Ayni vaqtgacha jami 1319 kishi kasallikdan sog‘aygan, 10 bemor vafot etgan, shifoxonalarda 831 kishi davolanmoqda.

Tayyorlagan: Азиз Қаршиев

#koronavirus