Andijon viloyatida işini yöqotgan boğça mudirasi öz joniga qasd qildi. Uning xodimlari va rahbarlari nima deydi?
|17:50 / 15.05.202094 31318 min
4 may kuni Andijon viloyati Baliqçi tumanidagi 11-maktabgaça ta'lim muassasasi mudirasi Gulçehraxon Xöjaqulova yaşaş xonadonida özini osgan. Oila a'zolari uni qutqarib qolişga ulgurişgan va u ayni paytda kasalxonada huşsiz holda qolmoqda.
Kun.uz muxbirlari hodisa sabablari bilan qiziqib, uning hamkasblari, oila a'zolari, şifokor, tuman maktabgaça ta'lim bölimi mudirasi hamda tuman prokuraturasi vakilidan izoh oldi.
Hamkasblari nima deydi?
Gulçehraxon Xöjaqulova 30 yildan beri işlab kelayotgan 11-MTM tumanning Xöjaobod qişloğida joylaşgan. Muassasa xodimalaridan biri öz rahbari quriliş işlari tufayli soğligini yöqotgani haqida gapirdi.
«Boğçamiz binosi 2019 yili rekonstruksiyaga tuşib, aprel oyidan quriliş işlari boşlangan edi. Orada ozgina uziliş böldi va yana davom etdi. Mening fikrimça, mudiramiz şu quriliş tufayli soğligini yöqotdi.
Noyabr oyida boğçamizda quriliş işlari tugab, foydalanişga topşirilişi kerak edi. Lekin qilingan işlar mudiramizning könglidagidek bölmadi. Unga binoning taşqi körinişi va içidagi kamçiliklar yoqmadi. Ayniqsa, öyin maydoni va basseynning çiqib-tuşiş zinapoyasi qilinmagan edi. Ikkinçi qavatda kanalizatsiya tizimi işlamadi. Xonalardagi pollar talabga javob bermas edi. Opa noyabr oyigaça juda yaxşi yurgan edi. Öşandan keyin soğligini yöqota boşladi.
Menga şu quriliş işlari böyiça gap eşitayotganini aytib, yiğlagan ham edi. Özi boğçamiz 1973 yilda qurilgan. Eskirib ketgandi», deydi MTM hamşirasi Nazira Ğafforova.
Ma'lum bölişiça, G.Xöjaqulova quriliş işlaridagi kamçiliklar tufayli quruvçilar boşliği bilan tortişgan ekan.
«26 noyabr kuni huşidan ketib qolibdi, deb eşitdik. Keyingi kuni işga çiqmadi. Yanvar oyida boğçamizning oçiliş marosimi bölib ötdi. Lekin kamçiliklar bor edi. Mudiramiz «kamçiliklarni töğrilab berasizlar, keyin imzo çekaman», degan edi. Kasal bölgan kunlarida imzo çektirişdi.
Eng asosiy kamçiliklardan biri bu işlatiş uçun suv ta'minoti çatoq. Tasavvur qiling, boğçaning suv tizimi qişloqnikiga ulangan. Ertalab bir soat suv beriladi. Öşa paytda biz idişlarni, «baklajka»larni suvga töldirib olamiz. Lekin suv bizga kun davomida kerak-ku? Bolalar plastilin bilan işlaydi, köçada öynaydi. Çiroyli sanuzellar qilingani bilan suv bölmasa nima foydasi bor?
Mavzuga oid
Xonalarni isitiş uçun qilingan «Issiq pol» nobop kabellardan montaj qilingan ekan. Simlari erib ketyapti. Isitiş tarmoğiga suv aylantirganda, hamma xonalarga suv toşib ketgan. Pol yoğoçlarimiz kötarilib ketdi. Devorlarga çiqqani uçun nurab ketyapti. Yuqori qavatdagi kanalizatsiyani işlatsak, suv oqib ketadi. Opa kamçiliklarni töğrilataman deb harakat qildi», deydi örta guruh tarbiyaçisi Zamiraxon Qobilova.
Tuman maktabgaça ta'lim bölimi mudirasi Sayyora Xonkeldiyeva mudira işdan ketişini aytgan.
«Quruvçilar, mudira öz joniga suiqasd qilganidan keyin ikki kun içida basseynni va binoning tuşib ketgan joylarini töğrilaşga urinişdi. Men mudiramizning boğça loyihada körsatilganidek sifatda ta'mirlanmagani uçun diqqat bölib, oğrib qoldi deb öyladim. Haqiqatan ham oriyatli ayol edi. Birga yaxşi işlardik. Şu işlar boşlangandan keyin brusçatkalarni örnatişni ham yakuniga yetkazişdi. Simlarni ulab berişdi, lekin yana uçqun çiqib, yonib ketdi. Şpaklyovka qilişdi, lekin oxiriga yetkazişgani yöq.
Ötgan yili 27 noyabr kuni tuman maktabgaça ta'lim bölimi mudirasi Sayyora Xonkeldiyeva kelib ota-onalarga yiğiliş ötkazdi. Boğça mudirasi iştirokisiz ötkazilgan yiğilişda Sayyora Xonkeldiyeva «Gulçehraxon Xöjaqulovani mudira bölib işlaş-işlamasligini men hal qilaman», dedi. Bu gap ota-onalar va boğça xodimlariga yoqmadi. Sababi, boğça şu darajaga kelişida mudiraning örni katta edi. Ota-onalardan biri boğça mudiramiz öz joyida qolsin, deb ham aytdi. Lekin işga qöyişmadi. Oçiliş marosimi ötkazildi. Boğça mudiramiz öz hisobidan ta'tilga çiqdi. Ta'til vaqti tugab, işga qaytaman deganda, MTM bölim boşliği tomonidan lavozimga qayta qöyilmadi. Örniga Musmiraxon Tolipovani vaqtinçalik mudira etib tayinlab ketdi», deydi yordamçi tarbiyaçi Zuhraxon Möminova.
Boğça hamşirasi mudira işga qaytişga uringani haqida eslaydi.
«13 aprel kuni mudiramiz qizi bilan boğçaga keldi. Soğligi ança yaxşi edi. Işga qaytişini aytdi. Bölim mudirasiga qaytganim haqida aytib qöyişim kerak deb, taşqariga çiqib qönğiroq qildi. Öşa payt biz telefondagi suhbatni eşitib qoldik. Mudiramiz «Men öz işimga qaytaman, nafaqaga çiqişimga bir yil qoldi», dedi. Ertalab yana boğçaga keldi. Biz mudiramiz öz joyida qolişini sörab, Sayyora Xonkeldiyeva nomiga bildirişnoma yozdik. Şu vaqtda MTM bölimidan telefon böldi va uni çaqirtirişdi. Bölimga borib, gaplaşib keldi. Mudira bilan telefon orqali boğlanganimda, «işimni kadrlar bölimi boşliği Tolibjon hal qilar ekan», dedi.
Opa qurilişni qabul qiliş hujjatlariga kamçiliklar borligi uçun imzo çekmay yurgan edi. Kasal bölib uyda davolanayotgan paytda, noyabr oyining oxiri yo dekabr oyining boşida imzo çektirişdi. Işini juda yaxşi körgani, oilasidan ham ustun körgani uçun işdan ketgani ruhiyatiga qattiq ta'sir qildi», deydi MTM hamşirasi Nazira Ğafforova.
Quruvçi taşkilot rahbari va binoni qabul qilib olgan rasmiy fikri
11-MTMda mukammal ta'mirlaş işlarini olib borgan «Milano quriliş» MÇJ ijroçi rahbari Zafarjon Rasulov bilan suhbatlaşdik.
«2019 yil dasturga tuşgan şu boğçada mukammal ta'mirlaş işlarini olib borganmiz. Noyabr oyi oxirida şartnoma muddati böyiça öz vaqtida kamçiliklarsiz topşirdik. Buyurtmaçi dastavval viloyat hokimligi qoşidagi «Yagona buyurtmaçi xizmati» bölgan edi. Keyinçalik viloyat maktabgaça ta'lim boşqarmasining quriliş bölimi taşkil bölgani uçun işlar şularning nazoratida yakunlandi.
Boğça mudirasi bilan heç qanday tortişuvlar bölmagan. Quriliş davomida 4-5 marta körişganmiz, xolos. Töğri, iş jarayonida kamçiliklar bölgan. Lekin sinov davrida heç qanday kamçilik bölmagan. Kamçiliklar yuzaga kelgan bölsa ham bartaraf etib keldik. Hozir karantin davri bölgani uçun barça muassasalar yopilgan. Bu obekt yangi, şamollatib turilişi kerak. Şu 2 oy nazoratdan çetda qolgan deb öylab, keça kelib, kamçiliklarni yana bir bor töğriladik. Kafolat muddatining yarmi ötib böldi. Bizning nazoratimizda bölişi kerak. Jami 4 milliard 10 million sömlik iş bajarilgan. Pulning 95 foizi tuşgan. Qolgan 5 foizi kafolat muddati tugagandan söng beriladi. Maxsus işçi guruh tomonidan tekşirilib, nazoratdan ötkazilgandan söng 5 foiz miqdordagi pulni berişadi», deydi u.
Binoni foydalaniş uçun qabul qilişga mas'ul bölgan «Infratuzilmalarni rivojlantiriş böyiça injiniring kompaniyasi» DUK Andijon filiali muhandisi Sultonbek Egamberdiyev bilan ham suhbatlaşdik.
«2019 yilning 28 dekabr kuni muassasa Davlat qabul komissiyasining dalolatnomasiga asosan foydalanişga topşirilgan. Bino qurilişida katta kamçiliklar yöq edi. Qaysidir xonaning suvoği köçgani yoki suv havzasidagi kamçiliklarni bir yillik kafolatli muddat davomida oxiriga yetkazib berilyapti. Gulçehra Xöjaqulova quriliş işlari davomida juda qattiq harakat qildi. Jarayonni kuzatib bordi. Lekin boğça mudirasi va quruvçilar örtasida tortişuvli holatlar bölmagan», deydi u.
«Sönggi vaqtlarda siqilib yurgan edi»
Gulçehra Xöjamqulova xonadonida bölib, onasi Mamlakatxon Xöjaqulova va opasi Anorxon Mamajonova bilan suhbatlaşdik.
Onasining aytişiça, qizi sönggi paytlarda işida rosa köp muammolarga duç kelgani, tumandagi boşliği bilan kelişa olmay qolgan ekan. Opasi esa singlisi tuman mudiri Sayyora Xonkeldiyeva köp marta qattiq gapirgani uçun qiynalgani, uni qurilişni qabul qiliş hujjatiga qöl qöyişga majburlaşganini aytdi.
«Singlim tuman maktabgaça ta'lim bölimi mudirasi bilan çiqişib keta olmadi. U singlimga, boğçaning kamçiliklari uning böynida ekanini aytgan ekan. Şu gaplar ta'sir qildi. Ruhiy holati yomonligidan bittagina farzandi va ota-onam ham köziga körinmay qoldi. Hammamizning qaddimizni bukib qöydi. Neça oy kasal bölib yotgan bölsa, örniga kelgan mudira yoki rahbari ahvolini sörab kelmadi. Endi ölar holatida jon talaşib yotganda ikki marta kelibdi. Rahbar şunday böladimi?», deydi opasi Onarxon Mamajonova.
Gulçehra Xöjaqulovaning qizi Ziyodaxon Mamajonova 14 aprel kuni onasi bilan tuman Maktabgaça ta'lim bölimi mudirasi Sayyora Xonkeldiyevaning oldiga borganini aytdi. U onasiga işga qaytiş uçun ariza yozdirişgani va uning işga qaytişi masalasini Andijon viloyat maktabgaça ta'lim muassasalari boşqarmasi boşliği Muqaddas Abdullayeva hal qilişini bildirişgan. Qizi onasi bilan 11-boğçaga borganida onasiga vaqtinça mudira bölib turgan Musmira Tolipova «siz tarbiyaçi bölib işga qaytar ekansiz», degani, şundan söng onasining ruhiy holati özgarganini aytdi.
Ukasi Avazbek Xojiqulov esa unga Sayyora Xonkeldiyeva qönğiroq qilgani va opasining işga qaytişi masalasi karantin davri tugaganidan söng viloyat maktabgaça ta'lim boşqarmasi tomonidan hal qilinişini aytganini bildirdi.
Şoşilinç tibbiy yordam bölimida
Baliqçi tuman şoşilinç tibbiy yordam bölimi şifokori ham holat böyiça izoh berdi.
«Xöjaobod qişloğida yaşovçi 1967 yilda tuğilgan bemor Gulçehraxon Xöjaqulovani 4 may kuni olib kelişdi. Kelgan paytda bemorning holati oğir edi. Taşxisi - mexanik asfiksiya. Nafas yetişmovçiligining oğir darajasi bilan reanimatsiya bölimiga joylaştirildi. Birinçi yordam körsatilib, sun'iy öpka ventilyatsiya apparatiga ulandi. Ayni paytda holati oğir. Barça reanimatsion muolajalar davom etyapti. Huşiga kelgani yöq», deydi Çinobod şoşilinç tibbiy yordam bölimi reanimatologi Ahrorbek Ostanaqulov.
Tuman mudirasi nima deydi?
Baliqçi tuman Maktabgaça ta'lim bölimiga borib, mudira Sayyoraxon Xonkeldiyeva bilan boğça mudirasi işi böyiça gaplaşdik.
«11-maktabgaça ta'lim taşkiloti mudirasi bilan boğliq voqea bizni qayğuga soldi. Uşbu boğça mudirasi Gulçehraxon Xöjaqulova bir neça yildan beri şu sohada faoliyat körsatgan, uni faoliyati davomida katta mas'uliyati, mehr-muhabbatini öz işiga baxşida qilgan, tartibli, qalbi toza inson deb bilaman.
Lekin Gulçehra opa faoliyatim davrida men bilan köp işlamadi. Men oktabr oyida iş boşlagan bölsam, opa saylov uçastkasi a'zosi bölgan va vazifasidan vaqtinça ozod qilingan edi. Ana şu davrda işga qaytmagan. Soğligi, ya'ni markaziy nerv tizimi şikastlanişi bilan boğliq taşxislari bor. Kasallik ta'tili tugagandan söng, yana soğligi yaxşi emasligini aytib, mehnat ta'tili uçun yozma ariza bilan murojaat qilgan edi.
Unga mehnat qonunçiligida belgilangan tartibda ta'til berilgan va buyruqlar bilan rasmiylaştirilgan. Xöjaqulovaning mehnat ta'tili tugagan, lekin soğligi böyiça muammolarini körsatib, öz hisobidan 11 mart kuni yana mehnat ta'tiliga çiqiş uçun ariza bilan murojaat qildi.
Arizasi qanoatlantirilib, belgilangan tartibda 35 kunlik mehnat ta'tilidan söng öz hisobidan ta'til berildi. Mehnat ta'tili tugagandan söng, mudira maktabgaça ta'lim bölimiga qizi bilan birga taşrif buyurdi. Men öz xonamda kadrlar bölimi boşliği Nabijon va iş yurituvçi Nilufar bilan birga qabul qilganmiz. Soğligi holatini sörab, opaga dalda bergandik. Özini qölga olişi, birgina farzandi uçun özida kuç töplaşi va soğligini yanada ehtiyot qilişi kerakligini aytib, motivatsiya berdik. Men işga qaytiş töğrisidagi arizasini şu kunning özida yozib qoldirişi mumkinligini aytgandim. Gulçehra opa ariza qoldirgan. Maktabgaça ta'lim bölimining bir neça xodimlari guvohligida işga qaytarişimiz töğrisida ariza bergan. Xöjaqulovani arizasiga asosan işga qaytardim. Buyruqlari bor.
14 aprel kuni karantin bölişiga qaramasdan Gulçehra opa mehnat jamoasini töplagan va mehnat ta'tilidan qaytganini e'lon qilgan. Suratlar va dalillar bor. Ertasiga ham ma'lum bir vaqt boğçada bölgan. 15 aprel kuni ham boğçada bölgani haqida videotasvirlar bor. Keyin 2 kun vazifasini bajargani çiqmagan.
Soğligida yaxşi holatlarni kuzatmaganim uçun Gulçehra opaning ukasi Avazbek Xöjaqulovning telefon raqamini topdik. 18 aprel kuni ukasi bilan opaning holati böyiça gaplaşdim. Hozir karantin davri ekanligi, bu davr ötib ketgandan söng öz faoliyatini qoniqarli davom ettirib ketişi böyiça suhbatlaşdim. Ukasi rozi bölib, juda xursand bölgan edi. Mayli, opamni öz işiga tiklasangiz, degan edi. Gap-sözlar va tuşunmovçiliklar bölganini, göyoki biz işdan böşatganday, örniga vazirlikdan kimningdir buyruğini çiqargan kabi şov-şuvlar yetib kelganini aytdim. Ayni paytda maktabgaça ta'lim taşkiloti mudirasi sifatida turgani va bu lavozimdan böşatiş mening vakolatim emasligini aytganimdan keyin minnatdorçilik bildirdi.
Gulçehraxon Xöjaqulova hozirda ham 11-maktabgaça ta'lim taşkiloti mudirasi lavozimida turibdi. Mehnat daftarçasini ilova qilişim yoki maktabgaça ta'lim bölimining hisobxonasidan istalgan hujjatni taqdim qilişim mumkin. Lekin, u yerda binoning qurilişi bilan boğliq qandaydir böhton, uydirma va tuhmatlar kimlardir tomonidan şakllantirilyapti. Ayni vaqtda men ham şu uydirmalarni uyuştirayotgan odamlarning belgilangan qonun talablari asosida jazoga tortilişini sörab qolaman. Men lavozimga kelgan paytimda, boğça binosining qurilişi töla yakuniy holatga kelgan edi. Sababi, davlatning juda katta mablaği sarflanayotganini kuzatganman.
Quruvçini çaqirib, işlar yakunlaniş arafasida bölsa-da, ba'zi bir kamçiliklar va nuqsonlar borligini aniqlaganmiz. Bularni bartaraf etişni quruvçidan talab qilganmiz.
Boğçani qabul qiliş jarayonida biz töğridan töğri heç qanday hujjatlarsiz qabul qilmaganmiz. Kerakli taşkilotlar bilan dalolatnomalar tuzilgan. Qisman kamçiliklari bölgan, lekin qiş fasli bölgani uçun bolalarni olib kirganmiz. Qabul qilib olişda Gulçehra opaga bosim ötkazilgan deb, menga qöyilgan aybga qat'iy isbot talab qilaman. Şunaqa körsatma berayotganlar isbot va dalillari bilan körsatişini sörayman. Sababi, Gulçehra opa quriliş jarayonida bölmagan. U paytda kasallik va mehnat ta'tilida bölgan. Bosim ötkazilişiga kelsak, aksinça, imzo çekib yubormaslik haqida körsatma berganman. Boğçaning kamçiliklari borligini aytganman. Ötgan kuni maktabgaça ta'lim vaziri örinbosari va boşqarma boşliği M.Abdullayeva bilan birgalikda kelib örganilganda, hamşira aytdiki, «Gulçehra opa telefonda Sayyora Xonkeldiyeva aytyapti, imzo çekib beramiz ekan», degan. Şuning uçun, men muhr urib berganman deyapti. Bu masalaga oydinlik kiritiş uçun suriştirganimizda quruvçi aytdiki, qönğiroq qilganda men mudiraning yonida bölganman. Kasal edi. Quriliş böyiça mutaxassisi mudiraga qönğiroq qilib, kamçiliklarni aniqladik, dalolatnomalar tuzildi va kafolat xatlari olindi. Ba'zi bir kiçik kamçiliklar bor. Agarda özingizga lozim topsangiz, imzo çekib berişingiz mumkin degan ekan. Çunki, men unday deya olmasdim. Boğça meniki. Kamçiliklarsiz unga imzo çektiriş degani bu – men qandaydir quruvçidan manfaatdorman degan fikr kelib çiqyapti. Murojaatçilar bu aybni mening böynimga qöyişga harakat qilişmoqda.
Boğça qurilişi bilan boğliq muammolarga keladigan bölsak, men tajribalarimdan kelib çiqib, közim bilan körgan kamçiliklarni tepasida turib bartaraf etişga muvaffaq bölganman. Men maktabgaça ta'lim bölimi rahbari sifatida binodan çiqqan kamçiliklarni heç qaçon oqlamayman. Xursand bölyapman. Qaysidir ma'noda bu ham yaxşilikkadir. Köpçilik kelib şu qurilişni örganmoqda. Qayeridadir kattadir, kiçikdir muammolar aniqlanyapti», deydi Sayyoraxon Xonkeldiyeva.
Voqeani prokuratura örganmoqda
Gulçehra Xöjaqulovaning öz joniga suiqasd qilgani holati yuzasidan Baliqçi tuman prokuraturasi xodimi izoh berdi.
«Prokuratura organlari tomonidan 11-sonli maktabgaça ta'lim muassasasi mudirasi lavozimida işlagan Gulçehra Xöjaqulovaning öz joniga suiqasd qilgani holati yuzasidan tergovga qadar tekşiruv harakatlari olib borilmoqda. Tekşiriş jarayonida hodisa joyi közdan keçirilib, guvohlardan tuşuntiriş xati olingan holda sud-tibbiy ekspertizasi tayinlangan. Şuningdek, hozirgi kunda ijtimoiy tarmoqlarda keltirilgan quriliş işlaridagi kamçiliklar yuzasidan soha mutaxassislari jalb qilingan holda, nazorat ölçov işlari amalga oşirilmoqda.
Bundan taşqari, Xöjaqulovaning öz joniga suiqasd qilişiga olib kelgan sabablarini aniqlaş maqsadida viloyat maktabgaça ta'lim boşqarmasi hamda tuman hokimligi Mahalla va oilani qöllab-quvvatlaş bölimiga xizmat tekşiruvlari tayinlangan. Tekşiruv natijalari yuzasidan taraflarning barça vajlari örganilgan holda qonuniy qaror qabul qilinişi ta'minlanadi», deydi Baliqçi tuman prokuraturasi tergovçisi Behzod Raimqulov.
Örganişlar şuni körsatmoqdaki, Gulçehra Xöjaqulova bilan boğliq hodisa tasodifga öxşamaydi. Juda katta mablağ evaziga rekonstruksiya qilinib, foydalanişga topşirilganiga heç qança vaqt bölmagan boğça binosidagi kamçiliklar, mudiraning lavozimida qolişi yoki qolmasligiga oid masala hamda uning öz joniga suiqasd qilişi hodisalari orasida qandaydir boğliqlik borligiga işora qilmoqda. Bularning barçasiga tuman prokuraturasi ötkazayotgan tekşirişlar yakuniga köra aniqlik kiritilsa ajab emas. Kuzatişda davom etamiz.
