21:27 / 15.05.2020
4748
Филиппинга келган тўфон 140 мингдан кўпроқ кишининг эвакуация қилинишига олиб келди

Филиппинга жорий йилдаги илк тўфон - “Вонгфонг”нинг ёпирилиши 140 мингдан кўпроқ одамнинг эвакуация қилинишига олиб келди. Табиий офатнинг асосий зарбаси мамлакат марказида жойлашган Самар оролига тўғри келган.

Фото: Getty Images / AFP

“Тўфон ўн миллионлаб филиппинликлар коронавирус сабабли уйларида қолаётганларида ёпирилди. Камида 141 минг киши кучли тўфон сабабли уйларини тарк этишларига тўғри келди”, дейилган хабарда.

Кучли шамол уйлар томини учириб кетган, кучли ёмғирлар сабабли йўллар сув остида қолган. Эвакуация қилинганларнинг вақтинчалик бошпаналарга жойлаштирилиши коронавирус эпидемияси давом этаётган шароитда ўтказилмоқда. Асосий муаммо шундаки, аввал ёмон об-ҳаво шароитидан жабрланганлар учун қўлланган бу бошпаналар карантинга мослаштирилган. 

Маҳаллий об-ҳаво мутахассисларининг маълумотларига кўра, тўфон пойтахт Манила ёнидан ўтиб, кейинроқ тропик довулгача пасаяди.

Top