16:12 / 26.05.2020
3793
Беларусдаги АЭС қурилишида 100га яқин ишчи коронавирусга чалинди

"Росатом"нинг Мисрдаги объектида ҳам коронавирусга чалиниш билан боғлиқ битта ҳолат аниқланган.  

Фото: DPA

Беларусь атом электр станцияси (БелАЭС) қурувчилари орасида коронавирусга чалиниш ҳолатлари аниқланди

"Беларусдаги майдонда 100га яқин ҳолат қайд этилди. Улар нафақат бизнинг ишчилар, балки Беларусь буюртмачиси вакиллари ҳамдир", - деди "Росатом" бош директори Алексей Лихачёв соҳа ходимларига видеомурожаатида.  

Бундан ташқари, "Росатом"нинг Мисрдаги объектида ҳам коронавирусга чалиниш билан боғлиқ битта ҳолат аниқланган.  

Россияда "Росатом" объектларида коронавирусга чалиниш билан боғлиқ ҳолатлар нуқтаи назаридан Смоленск областидаги Десногорск шаҳри "муаммоли" ҳисобланади. Алексей Лихачёвнинг сўзларига кўра, ҳозирда 57 бемор бўлиб, уларнинг 42 нафари Смоленск АЭСи ходимларидир.

Коронавирусга чалиниш оқибатида вафот этган "Росатом" ходимлари сони 11 нафарга етди, деди Лихачёв. Корпорациянинг маълумот беришича, 485 нафар ходим назоратга олинган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top