10:11 / 26.05.2020
20560
Ўзбекистон Тожикистонга инсонпарварлик ёрдамининг навбатдаги партиясини жўнатди

Ўзбекистон президенти Шавкат Мирзиёевнинг кўрсатмасига мувофиқ Душанбега яна бир инсонпарварлик ёрдами юборилди.

Бу сафар 24 тонналик юк дори-дармонлардан, асосан антибиотиклардан иборат, деб хабар берди Asia-Plus.

«Ўзбекистон ҳукумати томонидан Душанбега тақдим этилган ёрдам шаҳар соғлиқни сақлаш ва ижтимоий ҳимоя қилиш бошқармасига берилди», - дея хабар қилган нашрга Душанбе ҳокими маъмуриятидаги манба.

Унинг сўзларига кўра, шаҳар ҳокими Рустам Имомали тегишли шаҳар тузилмаларига коронавирус билан касалланганларни даволаш учун олинган дори-дармонлар мақсадга мувофиқ ишлатилишини қатъий назоратга олиш ҳақида топшириқ берган.

Шунингдек, манбанинг хабар беришича, ёрдам сифатида олинган барча дори-дармон Ўзбекистон-Буюк Британия қўшма корхонасида ишлаб чиқарилган.

Эслатиб ўтамиз, 9 апрель куни Ўзбекистон Тожикистонга дори-дармон, озиқ-овқат маҳсулотлари бўлган 18та темирйўл вагонини жўнатди. Президент топшириғи билан 8 май куни 8 нафар ўзбекистонлик вирусолог ва 10 тонна тиббий асбоб-ускуналар, шу жумладан 10та ўпкани сунъий вентиляция қилиш аппарати Душанбега келди.

9 май куни Тожикистонга Ўзбекистонда 144та тиббий контейнер юборилди, улар Душанбедаги «Бофанда» стадионида вақтинчалик касалхона учун мўлжалланган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top