Yaponiya o‘z koinot qo‘shinlari tashkil etilishini e'lon qildi
Yaponiya o‘z koinot qo‘shinlari tashkil etilishi va uning AQSh koinot qo‘shinlariga qo‘shilishini e'lon qildi.
Ma'lum qilinishicha, ayni vaqtda Yaponiyaning koinot qo‘shinlarida bor-yo‘g‘i 20 kishi bor. Bu haqda JB Press portali xabar berdi.
Kunchiqar mamlakat hukumati koinotning boshqa davlatlar tomonidan mudofaa maqsadlarida qo‘llanishi faollashgandan keyin bunday qo‘shinlarni yaratishga qaror qilgan.
Portalning ta'kidlashicha, Yaponiya “Katta yettilik” davlatlari ichida koinotda harbiy harakatlar borasida eng “qoloq” davlat hisoblanadi. Biroq uning koinot bilan bog‘liq ishlanmalari xalqaro miqyosda yuqori baholanadi.
“Yaponiya koinot operatsiyalari bo‘linmasini shakllantirgani evaziga nihoyat start chizig‘iga chiqdi. Yaponiyaning orqada qolishining sababi “uning konstitutsiyasida “tinch koinot” g‘oyasi mustahkamlab qo‘yilgani hisoblanadi”, deyilgan xabarda.
Ta'kidlash o‘tib joiz, AQSh prezidenti Donald Tramp 2019 yil dekabrda AQSh koinot qo‘shinlari tashkil etilishini e'lon qilgandi.
Mavzuga oid
20:42 / 26.09.2024
Yaponiya o‘zining razvedka sun’iy yo‘ldoshini orbitaga uchirdi
14:06 / 26.09.2024
Yaponiyada sud 56 yil avvalgi qotillik uchun o‘limga hukm qilingan erkakni oqladi
10:30 / 24.09.2024
Rossiya samolyoti bir kunda Yaponiya havo chegaralarini uch marta buzdi
21:07 / 20.09.2024