O‘zbekiston | 17:37 / 01.06.2020
30378
2 daqiqa o‘qiladi

Bir haftada 4 davlatdagi o‘zbekistonliklar 9ta charter reys orqali Toshkentga olib kelinadi

Joriy haftada Turkiya, Rossiya Federatsiyasi, BAA va Misr Arab Respublikasidagi o‘zbekistonliklar jami Uzbekistan Airways aviakompaniyasining 9ta charter reysi orqali Toshkentga olib kelinadi.

O‘zbekiston Respublikasi transport vazirligi axborot xizmati 1-7 iyun kunlari davomida amalga oshiriladigan charter reyslar haqida ma'lumot berdi.

1 – 7 iyun  kunlariga belgilangan charter reyslar jadvali:

1 iyun. Toshkent – Istanbul – Toshkent
2 iyun. Toshkent – Moskva – Toshkent
3 iyun. Toshkent – Sharja – Toshkent 
3 iyun. Toshkent – Moskva – Toshkent
4 iyun. Toshkent – Sankt-Peterburg – Toshkent
5 iyun. Toshkent – Moskva – Toshkent
6 iyun. Qohira – Toshkent –  Qohira 
6 iyun. Toshkent – Novosibirsk – Toshkent
7 iyun. Toshkent – Sankt-Peterburg – Toshkent

Ma'lum qilinishicha, tasdiqlangan charter reyslar jadvaliga muvofiq 25-31 may kunlari amalga oshirilgan 8ta qatnov orqali Rossiya Federatsiyasi va Turkiyadan jami 2118 kishi O‘zbekistonga olib kelindi.

26 may kuni prezident Shavkat Mirziyoyev 10 mingdan ortiq kishi O‘zbekistonga qaytarilishi, 100 mingdan ortiq kishi O‘zbekistonga qaytish istagini bildirib, navbat kutayotgani haqida ma'lum qilgandi.

Qayd etilishicha, O‘zbekistonda koronavirus aniqlanganlarning qariyb yarmi xorijdan kelgan fuqarolar hisoblanadi.

Азиз Қаршиев
Tayyorlagan Азиз Қаршиев
Kun.uz yangiliklarini Google News'da kuzating
+ Obuna bo'lish

Mavzuga oid