17:05 / 01.06.2020
62663
Уч ҳудудда аҳоли орасида янги касалланиш ҳолатлари қайд этилди

Соғлиқни сақлаш вазирлиги Ўзбекистонда яна 11 кишида коронавирус аниқлангани ҳақида хабар берди. Шундан 5та ҳолат аҳоли орасида қайд этилган.

«2020 йил 1 июнь соат 17:00 ҳолатига кўра, Ўзбекистонда коронавирус инфекцияси қайд этилганлар сони 3673  нафарни ташкил этмоқда», дейилади вазирлик хабарида.

Янги аниқланган касалланиш ҳолатларининг 7таси Тошкент шаҳрида қайд этилган, шундан 3та ҳолат аҳоли орасида, 4та ҳолат эса стационар карантиндаги фуқаролар орасида қайд этилган.

Шунингдек, Тошкент вилояти ва Сирдарё вилоятида аҳоли орасида 1тадан ҳолат аниқланган, халқаро юк ташувчи автомашина ҳайдовчилари бўлган 2 кишига вирусдан зарарланиш ташхиси қўйилган.

Бугун ҳозирча 50та янги зарарланиш ҳолати қайд этилди, 22 бемор тузалиб, шу вақтгача тузалганлар сони 2859 нафарга етди.

Республиканинг 7 ҳудудидаги шифохоналарда 799 нафар бемор даволанмоқда. Улардан 8 нафар бемор оғир, 1 нафар бемор эса ўта оғир аҳволда.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top