Ispaniyada mart oyidan beri birinchi marta koronavirusdan birorta o‘lim qayd etilmadi

Ispaniyada o‘tgan sutka ichida koronavirusdan birorta o‘lim qayd etilmadi. So‘nggi soat ichida mamlakatda faqatgina 71 ta yangi kasallanish holati qayd etilgan.

Foto: AP

Umuman olganda, Ispaniyada pandemiya boshidan beri koronavirusga chalinganlar soni 239638 nafarni tashkil qilmoqda.

Ispaniya Yevropaning virusdan eng ko‘p jabr ko‘rgan davlatlaridan biri bo‘lib, u yerda koronavirusdan 27 ming kishi vafot etgan.

Shunga qaramay, may oxirida cheklovlar yengillashtira boshlanib, poytaxt Madridda bog‘lar va yirik muzeylar, Atlantika okeani bo‘yidagi plyajlar ochilgan.