O‘zbekistonda turizmni rivojlantirishning yangi bosqichi “Xavfsiz sayohat qiling!” tamoyiliga asoslanadi

Bosh vazir o‘rinbosari Aziz Abduhakimovning so‘zlariga ko‘ra, O‘zbekistonda turizmni rivojlantirishning yangi bosqichi “Xavfsiz sayohat qiling!” tamoyiliga asoslanadi.

Bu yondoshuvning asosiy maqsadi – mamlakatda turizm sohasini qo‘llab-quvvatlash va qayta tiklash, sanitariya-gigiyena standartlarini yaxshilash va turizmni tashkil etishning yangi talablariga moslashish bo‘ladi.

Bugungi kunda yuzaga kelgan inqirozni yengib o‘tish uchun quyidagi choralar ko‘riladi:

* daromad solig‘i va mulk solig‘i stavkalarini 2020 yil 31 dekabrgacha 50 foizga pasaytirish;

* qo‘shilgan qiymat solig‘ini 10 foizga kamaytirish;

* dezinfeksiyalash vositalari va turizm infratuzilmasi uchun kontaksiz uskunalar ga boj imtiyozlari berish;

* ko‘rilgan zararlar miqdorini cheklamagan holda 2020 va 2021 yil yakunlari bo‘yicha o‘tkazish huquqini berish;

* turistik soliqni hisoblash va to‘lashni 2021 yil 1 yanvargacha to‘xtatib turish;

* joylashtirish vositalari qurilishi uchun ilgari berilgan ssudalar bo‘yicha asosiy qarzni uzaytirish (18 oydan 24 oygacha);

* 12 oy muddatga bir martalik maqsadli foizsiz kreditlar berish:

* 2019 yildagi o‘rtacha oylik ish haqi fondining uch baravaridan ko‘p bo‘lmagan miqdorda turoperatorlarga;

* har bir yotoq joy uchun besh baravar miqdorida bazali hisoblash qiymati;

* joylashtirish vositalari qurilishi uchun berilgan kredit bo‘yicha foiz stavkalarini (10 foizgacha) subsidiyalash, yangi sanitariya-gigiyena standartlariga muvofiqlashtirish va aylanma mablag‘larni to‘ldirish amalga oshiriladi.