“Gaz-53”ga “Kobalt” raqami taqilgani, “Neksiya-2”da “VAZ-2101” raqami olib yurilganligi fosh etildi

Tadbir davomida fuqaro M.A. boshqaruvidagi “GAZ-53” rusumli yuk avtomashinasi Qo‘riq MFY hududida to‘xtatilib, belgilangan tartibda ko‘zdan kechirildi. Natijada, ushbu yuk mashinasi qo‘shni mamlakatdan noqonuniy ravishda O‘zbekistonga olib kirilganligi hamda unga taqib olingan davlat raqami aslida “Kobalt” avtomashinasiga tegishli ekanligi ma'lum bo‘ldi.

Yana bir holatda davlat raqami mavjud bo‘lmagan “Neksiya-2” rusumli avtomashina Yangiqo‘rg‘on tumani Zarkent qishlog‘i Furqat MFY hududida to‘xtatilib, o‘rnatilgan tartibda nazoratdan o‘tkazildi. Natijada, avtomashina muqaddam qo‘shni mamlakatdan noqonuniy yo‘llar orqali olib o‘tilganligi hamda avtomashina yukxonasida Uychi tumanida yashovchi A.Z.ga qarashli “VAZ-2101” rusumli avtomashinaga tegishli davlat raqami borligi aniqlandi.

Hozirda ushbu holatlar yuzasidan bojxona organlari tomonidan surishtiruv harakatlari davom ettirilmoqda.