22:08 / 18.06.2020
5743
Бугун 68 бемор коронавирусдан тузалди

Соғлиқни сақлаш вазирлиги Тошкент шаҳрида яна 33 нафар бемор тузалиб, Ўзбекистонда касалликдан соғайганлар сони 4199 нафарга етгани ҳақида хабар берди.

Тошкентдаги Вирусология илмий-текшириш институти клиникасида 11 нафар, Тошкент тиббиёт академиясининг кўп тармоқли клиникасида 15 нафар, Эпидемиология, микробиология ва юқумли касалликлар илмий-текшириш институти клиникасида 3 нафар ҳамда 3-сонли туғруқ мажмуасида 4 нафар, жами 33 нафар коронавирус инфекциясига чалинган бемор соғайди ва ўз уйларига кузатилди.

Эндиликда Тошкент шаҳрида коронавирус инфекциясидан соғайганлар 2130 нафарга етди.

Бундан аввалроқ Тошкент тиббиёт академиясининг кўп тармоқли клиникасида 35 нафар коронавирус инфекциясига чалинган бемор соғайиб, ўз уйига кузатилгани хабар қилинганди.

Шу тариқа, бугун 68 нафар бемор тузалиб, мамлакат бўйлаб коронавирус инфекциясидан соғайганлар 4199 нафарни ташкил этмоқда.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top