Qozog‘istonda koronavirusga qarshi qaytadan to‘liq emlashga ruxsat berildi 

Qozog‘iston hukumati aholiga koronavirusga qarshi qaytadan to‘liq emlanishga ruxsat berdi.

Ma’lum qilinishicha, respublika bosh sanitariya vrachi Ayjan Yesmagambetova bu haqdagi tegishli hujjatni imzolagan.

Bunda koronavirusga qarshi so‘nggi emlov va qaytadan to‘liq kurs olish oralig‘idagi vaqt kamida uch oyni tashkil etishi lozim.

Respublika sog‘liqni saqlash vazirligi xabariga ko‘ra, o‘tgan sutkada Qozog‘istonda koronavirus yuqtirish bilan bog‘liq uchta yangi holat qayd etilgan.