19:47 / 23.06.2020
3347
Дунёнинг биринчи ракеткаси Новак Жоковичда коронавирус аниқланди

Теннис бўйича дунёнинг биринчи ракеткаси Новак Жокович коронавирус юқтирди. Бу ҳақда сербиялик спортчининг ўзи маълум қилган.

«Биз вирус чекина бошлаган вақтда турнир ташкил қилдик ва бу учун хавфсиз шароит бор деб ўйладик. Афсуски, вирус чекинмади. Менда коронавирус аниқланди. 14 кунлик карантинга кетяпман, 5 кундан кейин яна тест топшираман», деган теннисчи бу борадаги баёнотида.

Дунёнинг биринчи рақамли ракеткаси ўз ватани Сербияда Adria Tour номли кўргазмали турнир ташкил этганди. Унда қатнашган теннисчи Григор Димитров, Жоковичнинг фитнесс-мураббийи, шунингдек, спортчининг хотинида ҳам вирус аниқланган. Маълум бўлишича, турнир иштирокчилари масофа сақлашга эътибор қаратмаган ва ресторанларга кўнгилхушлик қилган.

Маълумот учун, Жокович 17 марта «катта дубулға» туркумидаги мусобақаларда ғолиб бўлган. У теннис тарихида мавсум давомида нафақат барча тўртта «катта дубулға» мусобақаларини, балки барча тўққиз ATP туркумидаги мусобақаларни ютган ягона спортчи ҳисобланади.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top