O‘zbekistonda koronavirusdan zararlanish holatlari soni 7700dan oshdi

«2020 yil 28 iyun soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 7725 nafarni tashkil etmoqda.
 
Yangi kasallanish holatlarining 30 nafari Karantin markazidagi fuqarolar (barchasi xorijdan kelgan) orasida, 11 nafari Toshkent viloyatida (shundan 10 nafari koronavirusga chalinganlar bilan muloqotda bo‘lib, karantinga olingan fuqarolar orasida, 1 nafari aholi orasida), 2 nafari Toshkent shahrida (shundan 1 nafari koronavirusga chalinganlar bilan muloqotda bo‘lib, karantinga olingan fuqarolar orasida, 1 nafari aholi orasida) aniqlangan», deyiladi xabarda.

27 iyun kuni 255ta yangi holat aniqlandi va 202 bemor tuzalib, jami tuzalganlar soni 5240 nafarga yetdi.

Ayni vaqtda shifoxonalarda 2465 bemor davolanmoqda, ulardan 19 nafari og‘ir, 6 nafari esa o‘ta og‘ir ahvolda.