10:13 / 28.06.2020
5462
Саудиялик ҳарбийлар чегарани бузган Эрон катерларига огоҳлантирувчи ўқ узди

Саудиялик чегарачилар подшоҳлик сув ҳудудини бузган Эрон катерларига огоҳлантирувчи ўқ узди. Воқеа 25 июнда юз берган.

Фото: AP Photo / Vahid Salemi

Al Arabiya телеканалининг хабар беришича, Саудия Арабистони чегара хизмати баёнотида саудиялик чегарачилар ўз сув ҳудудида Эрон байроқлари остида ҳаракатланган учта катерни қайд қилгани маълум қилинган. 

Шундан кейин улар катерларга тўхташ талаби билан бир нечта сигнал жўнатган. Бироқ катерлар ушбу талабни бажаришдан бош тортгач, саудиялик ҳарбийлар уларга қарата огоҳлантирувчи ўқ узган. Эрон катерлари шундан кейингина подшоҳлик ҳудудини тарк этган.

2019 йил октябрида Эроннинг Қизил денгизда ҳаракатланган нефть танкерига иккита ракета зарбаси берилган. Воқеа Саудия Арабистонининг Жидда шаҳридан 96 км узоқликда юз берган. Натижада танкернинг иккита нефть сақланадиган бўлмасига шикаст етган. Бу нефтнинг денгизга оқишига олиб келган. Танкер экипажидан ҳеч кимга зарар етмаган.

Ўшанда ISNA ахборот агентлиги ушбу воқеа теракт бўлиши мумкинлигини маълум қилган.

Top