18:12 / 16.07.2020
5255
Volvo'га яширилган дориларни олиб чиқиш режаси чиппакка чиқди

Давлат божхона қўмитаси Контрабандага қарши курашиш ва божхона аудити бош бошқармаси ходимлари Тошкент вилояти божхона бошқармаси тасарруфидаги «Навоий» чегара божхона пости орқали қўшни мамлакатга чиқиб кетаётган фуқаро Т.Д. бошқарувидаги «Волво» русумли юк автотранспорти воситасини ўрнатилган тартибда холислар иштирокида божхона кўригидан ўтказишди.

Давлат божхона қўмитаси хабарига кўра, кўрик натижасида автотранспорт воситасининг салон қисми ва эҳтиёт қисмлар учун мўлжалланган қутисида декларацияда кўрсатилмаган ва божхоначиларнинг оғзаки сўровида маълум қилинмаган умумий қиймати 19 миллион сўмлик 27 турдаги дори воситалари яширилгани аниқланган.

«Ҳозирда мазкур ҳолат юзасидан божхона органлари томонидан суриштирув ҳаракатлари олиб борилмоқда», – дейилади хабарда.

Top