21:49 / 17.07.2020
3466
Дунё бўйича бир ҳафта ичида 1,6 млн киши коронавирус юқтирди. Бу пандемия бошланганидан буён энг юқори кўрсаткич

Европадаги айрим мамлакатлар ҳукуматлари коронавируснинг иккинчи тўлқини тўғрисида гапирмоқда ва чеклов чораларига қайтмоқда.

Фото: Bloomberg

Бир ҳафта ичида дунё бўйича коронавирус юқтирганлар сони 1,6 млн кишига кўпайди. Бу пандемия бошланганидан буён энг юқори ўсиш ҳисобланади – бир ой аввал бу кўрсаткич ҳафтасига 1 млн атрофида, май ойида эса 600 мингдан ошмаётганди.

Коронавирус географияси ўзгармоқда: Америка ва Осиё эпимарказ бўлиб қолмоқда, аммо Африка жануби, Шарқий ва Жанубий Европада вазият ёмонлашмоқда.

Европадаги айрим мамлакатлар ҳукуматлари коронавируснинг иккинчи тўлқини тўғрисида гапирмоқда ва чеклов чораларига қайтмоқда.

Шу билан бирга, шартли ўлим даражаси (якунийси пандемия тугаганидан сўнг аниқ бўлади) минимал – 4,3 фоизга пасайди. Коронавирус оқибатида дунё бўйича жами 590 мингга яқин киши вафот этди.

Соғайганлар сони ҳам ўсмоқда – бир ҳафта ичида қарийб 1 млн бемор тузалган. Пандемия бошланганидан бери эса 7,7 млн киши – касалликка чалинганларнинг 56 фоизи соғайган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top