O‘zbekistonda sudyalar va sud tizimi xodimlarining ish haqi oshiriladi

Hujjatga ko‘ra, ortiqcha sud bosqichlarini bekor qilish orqali sud tizimiga “bir sud – bir instansiya” tamoyili joriy etiladi. 

Xususan: 

sud ishlarini nazorat tartibida ko‘rish instituti tugatiladi;

bir sudda ishlarni ikki bosqichda (birinchi hamda apellyatsiya yoki kassatsiya) ko‘rish amaliyotiga barham beriladi.

Amaliyot shuni ko‘rsatmoqdaki, 2019 yilning o‘zida ayni bir viloyat sudida birinchi va apellyatsiya (kassatsiya) instansiyasida ko‘rilgan ishlarning 13 mingga yaqini Oliy sudda o‘zgartirilgan yoki bekor qilingan.

Shuningdek, farmonga muvofiq Moliya vazirligiga sud tizimining sudyalari va xodimlarining moddiy ta'minoti 2021 yil 1 yanvardan boshlab to‘liq Davlat budjetiga o‘tkazish va ularning ish haqini oshirish bo‘yicha takliflar tayyorlash topshirilgan.