21:47 / 26.07.2020
6194
Испания коронавирус жиловлангани ва сайёҳлар учун хавфсиз эканини таъкидламоқда

Испания ҳукумати коронавирус эпидемиясининг жиловлангани ва тўла назоратга олинганини таъкидламоқда.

Фото: Getty Images

BBC хабарига кўра, Буюк Британия Испаниядан келганларни карантинга жойлаштириш ҳақида қарор қабул қилганидан сўнг, Мадрид шу ҳақда баёнот берди.

26 июлдан бошлаб Буюк Британияда Испаниядан келганлар учун 14 кунлик карантин талаби кучга кирди. Бу ҳеч қандай огоҳлантиришсиз жорий қилинди, натижада кўплаб сайёҳлар ва йўловчи ташувчи компанияларни дарғазаб қилди.

Испания Ташқи ишлар вазири мамлакат испанияликлар ва хорижликлар учун хавфсиз эканини таъкидламоқда. Аммо, карантин чекловлари олиб ташланганидан сўнг, бу мамлакатда коронавирус юқтириб олганлар сони ортмоқда. Баъзи ҳудудларда карантин чоралари қайтарилмоқда, хусусан, ниқоб тақиш мажбурий қилинмоқда. 

Буюк Британия Испаниядан келаётганларни карантинга жойлаштириш мажбуриятини жорий қилганидан сўнг, бу мамлакатга авиарейсларни ҳам бекор қилди.

Испанияда бугунги кунга келиб коронавирус юқтириб олганлар сони 272 мингдан ошган, 29 мингга яқини вафот этган.

Мавзу
Коронавирус
2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.
Барчаси
Top