O‘zbekistonda koronavirusdan sog‘ayganlar soni 14 mingdan oshdi

Bugun ayni paytga qadar respublikaning 5 hududida jami 524 nafar bemor tuzaldi va O‘zbekistonda shu vaqtgacha kasallikdan sog‘ayganlar soni 14204 nafarga yetdi.

Tuzalganlar (+524)

• Toshkent shahrida 291 nafar;
• Toshkent viloyatida 184 nafar;
• Andijon viloyatida 41 nafar;
• Xorazm viloyatida 4 nafar;
• Farg‘ona viloyatida ham 4 nafar.

31 iyul soat 17:00 holatiga ko‘ra, O‘zbekistonda koronavirus infeksiyasi qayd etilganlar soni 23 773 nafarni tashkil etmoqda. Bugun hozircha respublikaning 9 hududida jami 502 kishiga virusdan zararlanish tashxisi qo‘yilgan.

Yangi holatlar (+502)

• Karantin markazidagi fuqarolar (barchasi xorijdan kelgan) 111 holat.

Koronavirusga chalingan bemorlar bilan muloqotda bo‘lganligi sababli namuna olingan fuqarolar orasida:

• Toshkent shahrida 151 holat;
• Toshkent viloyatida 118 holat;
• Buxoro viloyatida 35 holat;
• Sirdaryo viloyatida 22 holat;
• Andijon viloyatida 19 holat;
• Qashqadaryo viloyatida 17 holat;
• Namangan viloyatida 15 holat;
• Navoiy viloyatida 10 holat;
• Qoraqalpog‘istonda 4 holat.

O‘lim holatlari (+3)
Bugun hozircha Toshkent shahrida yana 3ta o‘lim holati qayd etildi va jami holatlar soni 139taga yetdi.

Hozirda mamlakatimizda 9 430 nafar bemorga shifokorlarimiz tomonidan belgilangan standartlar bo‘yicha davo choralari ko‘rilmoqda.