22:35 / 14.08.2020
2308
Трампнинг капитали бир йил ичида 300 миллион долларга қисқарди
Фото: Mark Wilson / Getty Images

АҚШ президенти Дональд Трампнинг капитали охирги йил ичида 300 млн долларга камайган. Бу ҳақда Bloomberg ахборот агентлиги хабар берди

Таъкидланишича, Трампнинг капитали 2,7 млрд долларгача қисқарган. Умуман олганда, у президент лавозимига киришгандан кейин ўз бойлигининг 10 фоизини йўқотган. 

Трампга тегишли бизнес-структураларнинг йўқотишлари коронавирус пандемиясининг кўчмас мулк бозорига салбий таъсири билан янада ортган. Танқидчиларнинг фикрича, бунда қисман Трампнинг айби ҳам бор, чунки у коронавирусни жиддий қабул қилмаган.  

Таъкидланишича, Трамп капиталига Нью-Йоркнинг Уолл-стритидаги бино, 5-авенюдаги Трамп минораси ва Vornado Realty Trust билан биргаликдаги мулки нархи тушиб кетиши қаттиқ зарба бўлган.

Мутахассисларнинг таъкидлашича, Трампга қарашли бизнес-империянинг иқтисодий кўрсаткичлари янада ёмонлашиши мумкин, чунки пандемиянинг унинг активларига таъсири ҳали тугамаган.

АҚШ ҳукуматининг ахлоқ масалалари бўйича бошқармаси 31 июлда АҚШ президентининг 2019 йил учун даромадлари бўйича маълумотларни эълон қилган. Таъкидланишича, Трамп ўтган йил камида 446 млн доллар ишлаб топган. 

Top