Qirg‘izistondagi zilzila kuchi O‘zbekiston shaharlarida sezildi

Ma'lum qilnishicha, 16 avgust kuni Toshkent vaqti bilan 02:58da Toshkent shahridan 405 kilometr janubi-sharqiy yo‘nalishda, Qirg‘iziston hududida joylashgan nuqtada zilzila yuz bergan.

FVV Seysmoprognostik monitoring respublika markazi ma'lumotlariga ko‘ra, zilzila episentrida magnituda 4,6 ballga teng, o‘chog‘i 10 kilometr chuqurlikda joylashgan.

Yer osti silkinishlari kuchi Andijon shahrida (epimarkazgacha 149 km) 3 ballni, Farg‘ona shahrida 3 ballni (epimarkazgacha 169 km), Namangan shahrida 2 ballni (epimarkazgacha 208 km) tashkil etgan.