22:51 / 25.08.2020
7932
Юлия Тимошенко ўпкага сунъий нафас бериш қурилмасига улангани хабар қилинди

Тимошенконинг матбуот котиби Марина Сороканинг сўзларига кўра, сиёсатчининг аҳволи оғирлигича қолмоқда.

Фото: AFP

«Батькившчина» партияси етакчиси Юлия Тимошенко ўпкага сунъий нафас бериш қурилмасига уланди, деб хабар бермоқда «РБК-Украина» ўз манбаларига таяниб.

Нашрнинг маълумот беришича, унинг тана ҳарорати 39 даражадан пасаймаяпти.

Тимошенконинг матбуот котиби Марина Сороканинг сўзларига кўра, сиёсатчининг аҳволи оғирлигича қолмоқда.

«Ҳозирча яхши хабар йўқ. У кечадан буён COVID’ни даволаш протоколига мувофиқ интенсив даволаш курсини олмоқда», — деб ёзди Facebook саҳифасида.

Сорока Тимошенконинг касалликка чалингани ҳақида 23 августда хабар берганди. Шунингдек, сиёсатчининг қизи Евгения ва куёви Артур Чечеткинда ҳам вирус аниқланган.

«Батькившчины» етакчиси қаерда даволанаётгани номаълум.

Top