Dunyo aholisining 71 foizi koronavirusga qarshi emlanishga tayyorligi ma'lum bo‘ldi 

Amerikalik va ispaniyalik sotsiologlar bu maqsadda jami 13,5 ming kishining fikrini o‘rganishgan.

Shu bilan birga, so‘ralganlardan 61,4 foizi ish beruvchisi tavsiyasiga ko‘ra koronavirusga qarshi emlanishga tayyorligini bildirgan. 
 
Xitoy, Braziliya va Janubiy Koreyadagi respondentlarning 80 foizdan ko‘prog‘i, Polsha va Fransiyada 60 foizdan kamrog‘i, Rossiyada esa 55 foizi emlashni qo‘llab-quvvatlagan. 
 
“Biz o‘tkazgan so‘rovnoma sayyoramizning hamma aholisi ham koronavirusga qarshi emlanishga tayyormasligini ko‘rsatmoqda. Bu xavotirli holatdir, u pandemiyaning barcha oqibatlarini to‘liq bartaraf etish turli davlatlarda emlash darajasining notekisligi sababli cho‘zilib ketishi mumkinligini ko‘rsatadi”, deyilgan tadqiqotda.

Olimlarning ta'kidlashicha, ommaviy immunitetga odatda emlash yordamida erishiladi. Aksariyat olimlarning fikricha, infeksiya tarqalishi oldini olish uchun antitanalar aholining kamida 70 foizida bo‘lishi lozim.