15:46 / 09.09.2020
3532
Учкўприкда «ГАЗ-53» билан арчага бориб урилган ҳайдовчи ҳалок бўлди

Фарғона вилояти Учкўприк туманида 6 сентябрь куни аянчли йўл транспорт ҳодисаси содир бўлди ва оқибатда бир киши ҳалок бўлди.

Фото: Фарғона вилоят ИИБ

Фуқаро С.М. ўз бошқарувидаги «ГАЗ-53» русумли юк автомашинасида туманнинг Жалаер қишлоғи ҳудудида кетаётиб, бошқарувни йўқотиб қўйган ва автомашина йўл четидаги арча дарахтига бориб урилган. Оқибатда ҳайдовчи С.М. тан жароҳати олиб, шифохонада вафот этган.

Мазкур ҳолат юзасидан Учкўприк тумани ИИБ ҳузуридаги Тергов бўлими томонидан Жиноят кодексининг 266-моддаси 2-қисми билан жиноят иши қўзғатилиб, ҳозирда тергов ҳаракатлари олиб борилмоқда.

Top