“O‘zmetkombinat” AJ: ishlab chiqarishni kengaytirishda xorijiy mablag‘lar jalb qilinmoqda

23 sentabr canasida Quyuv prokatlash majmuasi loyihasi doirasida Gazprombank (Rossiya), Gazprombank (Lyuksemburg) va Credit-Swiss (Shveytsariya) banklari bilan loyihaga xorijiy mablag‘larni jalb qilish masalasi yuzasidan Skype ijtimoiy tarmog‘i orqali onlayn yig‘ilish bo‘lib o‘tdi.

Unda tomonlar xorijiy banklar konsultantlari tomonidan ko‘tarilgan masalalar yuzasidan muhokama olib bordilar.

Quyuv prokatlash majmuasi loyihasi doirasida Danieli kompaniyasi bilan loyihaning ikkinchi bosqichi, ya'ni asosiy texnologiya uskunalarini montaj qilish, qisman yordamchi uskunalarni yetkazib berish va loyihalash ishlarini amalga oshirish uchun tuziladigan shartnomalar shartlari muhokama qilindi. O‘tkazilgan yig‘ilish natijasiga ko‘ra, Danieli kompaniyasi 25 sentabr kuni shartnomalarni imzolab, kombinatga yuborishiga kelishildi.