21:48 / 08.11.2020
10828
Трампнинг куёви унга сайловлардаги мағлубиятни тан олишни таклиф қилгани маълум қилинди  

АҚШ президенти Дональд Трампнинг куёви ва маслаҳатчиси Жаред Кушнер қайнотасига президент сайловларида мағлуб бўлганини тан олишни таклиф қилган. Бу ҳақда иккита манбага таяниб CNN телеканали хабар берди.  

Фото: AP Photo/Pablo Martinez Monsivais

Телеканал амалдаги президент куёвининг бу таклифига қандай муносабат билдирганини маълум қилмаган

Аввалроқ Трамп сайловларда ютқазганини тан олмаслигини ва суд орқали овозлар қайта ҳисобланишига эришмоқчилигини таъкидлаб ўтган.

АҚШ президенти сайловлари расмий натижалари ҳали эълон қилинмади. Бироқ 7 ноябрда АҚШнинг етакчи оммавий ахборот воситалари Демократик партия номзоди Жо Байденни сайловлар ғолиби деб эълон қилган.

Кейинроқ Байденнинг ўзи ҳам америкаликларга мурожаат қилиб, ўз фойдасига 74 млн овоз тўплаган ҳолда ғалаба қозонганини эълон қилган. 

Мавзу
АҚШ-2020
2020 йилнинг 3 ноябрида АҚШда президентлик сайловлари бўлиб ўтади. 3 февраль куни демократлар қароргоҳида бирламчи сайловлар - кокуслар ва праймеризлар бошланган.
Барчаси
Top