Putin Rossiyani mudofaa qilish bo‘yicha rejani amalga oshirish to‘g‘risidagi farmonni imzoladi

Rossiya prezidenti Vladimir Putin mamlakatni 2021-2025 yillarda mudofaa qilish rejasini amalga oshirish to‘g‘risidagi farmonni imzoladi.

 Farmonda qayd etilishicha, reja «mudofaa sohasidagi tadbirlarni amalga oshirish maqsadida» yo‘lga qo‘yilmoqda. Uni amalga oshirish 2021 yil 1 yanvardan boshlanadi. 

 Hujjat joylashtirilgan huquqiy axborot portalida rejaning mazmuni ko‘rsatilmagan hamda farmon imzolangan kundan boshlab kuchga kirishi ma'lum qilingan.

 2016-2020 yillarga mo‘ljallangan avvalgi mudofaa rejasini amalga oshirish 2016 yil 1 yanvardan boshlangandi.