21:51 / 16.11.2020
16946
Алиев Тоғли Қорабоғга келди

Шунингдек, YouTube’да президент кортежи Ҳорадиз шаҳрида ҳам юрганлиги тасвирланган видеолавҳа жойлаштирилган.

Фото: asanradio.az

Озарбойжон президенти Илҳом Алиев Тоғли Қорабоғдаги Фузулий ва Жаброил шаҳарларига ташриф буюрди. Бу ҳақда Озарбойжон президенти матбуот хизмати хабар берди.

"Бугун Озарбойжон Республикаси президенти Илҳом Алиев ва биринчи хоним Меҳрибон Алиева озод қилинган Фузулий ва Жаброил туманларига, хусусан Фузулий ва Жаброил шаҳарларига ташриф буюрди", – дейилади хабарда.

Шунингдек, YouTube’да президент кортежи Ҳорадиз шаҳрида ҳам юрганлиги тасвирланган видеолавҳа жойлаштирилган.

Унда Алиев автомобиллардан биридан ҳарбий либосда тушганлиги ва атрофдаги одамлар билан саломлашгани акс этган.

Эслатиб ўтамиз, 9 ноябрда Озарбойжон президенти Илҳом Алиев, Арманистон бош вазири Никол Пашинян ва Россия президенти Владимир Путин Тоғли Қорабоғда ўт очишни тўхтатиш тўғрисида баёнот имзолади. Унга кўра, Озарбойжон ва Арманистон эгаллаб турган позицияларида қолади, минтақада россиялик тинчликпарварлар жойлаштирилади.

Мавзу
Озарбойжон-Арманистон можароси
12 июль куни Озарбойжон шимоли-ғарбидаги Товуз вилояти ҳудудида икки давлат қўшинлари ўртасида тўқнашув содир бўлди.
Барчаси
Top