Qarshida O‘zbekistondagi birinchi zargarlik maktabi ish boshladi

Qashqadaryo viloyati Qarshi shahrida respublikada birinchi zargarlik maktabi va «Odina» hunarmandlar markazi ish boshladi, deb xabar bermoqda «Dunyo».

Qarshi shahar hokimligi matbuot xizmati qayd etishicha, ushbu markazda 13ta hujra tashkil etilib, ularda zargarlik, kashtachilik, yog‘och o‘ymakorligi, ganchkorlik, soatsozlik, milliy liboslar tikish va gilam to‘qish ishlari bilan shug‘ullanuvchi hunarmandlar ish boshlagan. Shu bilan birga, 20ta yangi ish o‘rni yaratilgan.

Bu yerda O‘zbekistonda ilk bor tashkil etilgan zargarlik maktabi ham ochildi. Xususan, unda zargarlikning Qoraqalpog‘iston - Xorazm, Buxoro - Samarqand, Toshkent - Farg‘ona, Qashqadaryo - Surxondaryo maktabi namunalari yoshlarga o‘rgatiladi.