Joriy yilda import qilingan elektromobillar uchun 2,2 mln dollar sarflandi

Davlat statistika qo‘mitasi ma'lumotlariga ko‘ra, 2020 yilning 10 oyida O‘zbekistonga xorijdan 87ta elektromobil import qilingan. Bu ko‘rsatkich o‘tgan yilning shu davri bilan solishtirilganda 58taga ko‘p.

Bu yil Xitoydan – 54ta, Koreya Respublikasidan – 12ta, Gruziyadan – 7ta hamda Germaniya, AQSh, Birlashgan Arab Amirliklari, Rossiya Federatsiyasi va Chexiya Respublikasi kabi davlatlardan 14ta elektromobil import qilingan.

O‘zbekiston oktabr oyida xorijdan 5ta elektromobil sotib olgan.

Ma'lumot o‘rnida, joriy yilda import qilingan elektromobillar uchun 2,2 million AQSh dollari sarflangan.