14:54 / 23.11.2020
3948
Байден штаби бўлажак инаугурация қандай тарзда ўтказилиши ҳақида маълумот берди

Ушбу маросимга гувоҳ бўлиш учун кўплаб томошабинлар келади, аммо Жо Байденнинг ёрдамчиси Рон Клейннинг қайд этишича, коронавирус пандемияси даврида бунга йўл қўйиб бўлмайди.

Фото: Reuters

АҚШ президенти сайловида ғалаба қозонган Жо Байден инаугурация маросимини қисқартирилган шаклда ўтказишни режалаштирмоқда. Бу ҳақда унинг ёрдамчиси Рон Клейн маълум қилди, деб хабар бермоқда Reuters.

Клейннинг сўзларига кўра, 20 январда бўлиб ўтадиган инаугурация маросими «мавжуд анъаналарнинг қисқартирилган кўринишида» бўлади.

«Одамлар байрам қилишни хоҳлашаётганини биламиз. Байрам қилишга арзийди. Биз шунчаки буни имкони борича хавфсизроқ ўтказиш йўлини топмоқчимиз», — деди у.

 Анъана бўйича АҚШ президенти инаугурацияси Вашингтондаги Капитолий олдида ўтказилади. Маросим вақтида сайланган президент қасамёд қилади ва нутқ сўзлайди. Ушбу маросимга гувоҳ бўлиш учун кўплаб томошабинлар келади, аммо Клейннинг қайд этишича, коронавирус пандемияси даврида бунга йўл қўйиб бўлмайди.

 АҚШ президенти сайлови 3 ноябрда бўлиб ўтди. Ғолиб ҳозирча расман эълон қилинмади. АҚШнинг етакчи оммавий ахборот воситалари Байден ғалаба қозонгани ҳақида ёзди.

Мавзу
АҚШ-2020
2020 йилнинг 3 ноябрида АҚШда президентлик сайловлари бўлиб ўтади. 3 февраль куни демократлар қароргоҳида бирламчи сайловлар - кокуслар ва праймеризлар бошланган.
Барчаси
Top