Toshkentda daraxtlarni noqonuniy kesishga oid qator holatlar obodonlashtirish boshqarmalari xodimlari bilan bog‘liq

11 oyda poytaxtda daraxtlarni kesish bilan bog‘liq 307ta qonunbuzilish holatlari aniqlandi. Bu haqda Toshkent shahar ekologiya va atrof-muhitni muhofaza qilish boshqarmasi matbuot xizmati xabar bermoqda.

Foto: KUN.UZ

Qayd etilishicha, 307ta holatdan 297tasi ma'muriy huquqbuzarlik, 9tasi esa jinoiy javobgarlik bilan bog‘liq.

Toshkentda daraxtlarni noqonuniy kesishga oid holatlarning 10tasi obodonlashtirish boshqarmalari xodimlari bilan bog‘liq.

Toshkent shahar ekologiya va atrof-muhitni muhofaza qilish boshqarmasi boshlig‘i Nodir Yunusovning so‘zlariga ko‘ra, bundan keyin daraxtlarni kesishga ekologiya inspektorlari ishtirokisiz yo‘l qo‘yilmaydi.

Ta'kidlanishicha, buni huquqiy jihatdan ta'minlash maqsadida Davlat ekologiya qo‘mitasi va mutasaddi tashkilotlar tomonidan yangi qaror loyihasi ishlab chiqilmoqda.