22:26 / 27.11.2020
8683

Mutaxassis koronavirus epidemiyasi pandemiyaga aylangani sababini ma'lum qildi

Foto: Chiang Ying-ying / AP

Germaniyalik virusolog Aleksandr Kekule ZDF telekanali efirida Xitoyda vujudga kelgan koronavirus epidemiyasi pandemiyaga aylanishining asl sababini ma'lum qildi. Uning ta'kidlashicha, koronavirusning Yevropa va butun dunyoga tarqalishi boshlangan Italiyada yangi infeksiyaning xavfi jiddiy qabul qilinmagan.

Mutaxassisning aytishicha, ayni vaqtda insoniyat koronavirusning Italiyadagi shtammiga to‘qnash kelmoqda. Ushbu shtamm Uhandagi shtammdan ustunlik qilib, Italiya shimolida virusning S-oqsilidagi mutatsiya sababli vujudga kelgan va bu uni yuqumliroqqa aylantirgan. Kekulening ta'kidlashicha, butun dunyoda koronavirusga chalinganlarning 99 foizidan ko‘pida aynan ushbu shtamm aniqlanmoqda.

Mutaxassisning fikricha, bunday vaziyatga Yevropa davlatlari hukumatlari va jamoatchiligi xavfni jiddiy qabul qilmagani va olimlarning virusning xavfli ekani haqidagi ogohlantirishlariga bepisandlik qilgani olib kelgan. Natijada koronavirus Italiya bo‘ylab tarqalgan, mutatsiya qilgan va inson organizmiga moslashib olgan.

Mavzu
Koronavirus
2019 yilning dekabr oyi oxirida Xitoyning Uxan shahrida noma’lum virus tarqala boshladi. Bu virus havo orqali odamdan odamga yuqadi va o‘limga olib keladi.
Barchasi
Top