09:44 / 17.12.2020
22662
Пойтахтдаги туман ҳокимликларидан бирида ишловчи мансабдор шахс 35 минг долларни пора тариқасида олаётганда қўлга тушди

Тошкент шаҳридаги туман ҳокимликларидан бирида ишлайдиган мансабдор шахс қўлга олинди. Бу ҳақда “Ўзбекистон24” телеканали хабар берди.

Қайд этилишича, ушбу мансабдор шахс Навоий вилоятида рўйхатдан ўтган масъулияти чекланган жамиятларидан бирига Тошкент шаҳри ҳудудидан 16 сотих ер майдонини расмийлаштириб, Тошкент шаҳар ҳокимлигининг тегишли қарорини чиқартириб бериш эвазига тадбиркордан ҳар бир сотих ер учун 22 минг АҚШ долларидан, жами 352 минг доллари талаб қилган. 

ДХХ ва Бош прокуратура ҳузуридаги департамент ходимлари билан ҳамкорликда ўтказилган тезкор тадбирда ушбу шахс сўралган пулдан 35 минг АҚШ долларини олаётган вақтда ашёвий далиллар билан ушланган.  

Шунингдек, ДХХ ва Бош прокуратура ҳузуридаги департамент ходимлари ўтказган яна бир тадбирда Бўстонлиқ туманида муқаддам судланган шахс 1 гектар ерни ҳокимликдаги танишлари орқали расмийлаштириб бериш учун 160 минг доллар талаб қилгани аниқланди. У шу пулдан 80 минг долларни олаётганда қўлга тушган.

Top